Mungesa e qasjes në abort të sigurt rezulton që 45% e të gjitha aborteve në mbarë botën të kryhen në mënyrë të pasigurt. Aborti i pasigurt mbetet një problem i madh i shëndetit publik që përbën deri në 13% të vdekshmërisë së nënave në të gjithë botën, ose rreth 47,000 vdekjesh, me qindra mijëra të mbijetuara që jetojnë me komplikime afatgjata, përfshirë infertilitetin dhe dhimbjen kronike. Nga këto aborte të pasigurta, 97 përqind ndodhin në Azinë Jug-Qendrore, Afrikën dhe Amerikën Latine.
Me Ligjin në fuqi të Republikës së Kosovës, “një femër e moshës madhore mund të vendosë vet mbi ndërprerjen e shtatzënisë deri në fund të javës së dhjetë (10) të shtatzënësisë, kurse çdo ndërprerje e shtatzënisë pas javës së 10 është në kundërshtim me Ligjin e Shëndetësisë dhe duhet të bëhet me komision shëndetësor profesional”. Aborti sipas të njëjtit Ligj, lejohet edhe pas javës së 10, madje në çdo periudhë të shtatzënisë, për arsye mjekësore. Kurse, “për arsye kriminologjike një femër ka të drejtë ta ndërpresë shtatzëninë gjerë në javën e 22-të”.
Harta Botërore e Ligjeve për Abortin është regjistri përfundimtar i statusit ligjor të abortit në vendet anembanë globit. Që nga viti 1998, Qendra për të Drejtat Riprodhuese ka prodhuar këtë hartë si burim për aktivistë, zyrtarë, qeveritarë dhe organizata të shoqërisë civile që punojnë për t’i avancuar të drejtat e abortit si të drejta të njeriut për gratë dhe vajzat anembanë globit. Kjo hartë azhurnohet në kohë reale, duke pasqyruar ndryshimet në ligjet kombëtare në mënyrë që mbrojtësit e të drejtave të njeriut të mund të monitorojnë sesi vendet mbrojnë – ose mohojnë – të drejtat e riprodhimit në të gjithë botën.
Më poshtë gjeni hartën:
Ndërsa më poshtë gjeni uebfaqen:
Add Comment