Vox

Të gjithë jemi fajtorë nëse një vajzë dhunohet

Të gjithë jemi fajtorë nëse një vajzë dhunohet. Ashtu siç të gjithë jemi fajtorë nëse kemi kriju djem dhunues që në këtë moshë.

Rasti i djemve dhunues në një moshë kaq të re e tregon që përgjegjësia kryesore për krijimin e dhunuesëve të tillë, për normalizimin dhe nxitjen e dhunës ndaj vajzave e grave, është më së paku e vetë individëve të dhunshëm (të cilët patjetër se duhet të mbahen përgjegjës para ligjit), dhe më së shumti e shoqërisë dhe shtetit që formon dhe legjitimon dhunues të tillë. Sepse një shoqërie dhe shteti patriarkal i konvenon të mirëmbajë dhunën ndaj vajzave e grave si garanci për ekzistencën e këtij sistemi.

Një djalë në shkollë fillore është një dhunues i mësuar, i krijuar. Një dhunues i tillë krijohet nga familja, shkolla, mediat, e institucionet shtetërore.

Përgjegjës kryesor për dhunën ndaj vajzave e grave dhe pasigurisë për to nuk janë disa individë të dhunshëm, është një shoqni e tërë e dhunshme, janë mediat që e nxisin këtë dhunë në format ma të ndryshme e të cilat nuk duan të degjojnë e të mësojnë se si mos ta bëjnë këtë, është shteti me organet e tij të sigurisë që e legjitimon këtë dhunë duke mos ofru drejtësi për viktimat/të mbijetuarat, e duke mos i mbajtë përgjegjës dhunuesit individualë, kshtu duke kriju më shumë prej tyre.

About the author

Mirishahe Syla

Mirishahe Syla

Mirishahe Syla është magjistre e studimeve gjinore, aktualisht punon si këshilltare për gjithëpërshirje gjinore në projekte për fuqizimin ekonomik të grave.

Add Comment

Click here to post a comment